महाराष्ट्र शासन : गट क भरती 2024 | एकूण पदे – 01333 जागा | वेतन – 25,500 ते 81,100 रूपये | आजचं ऑनलाईन अर्ज करा.

जे पदवीधर उत्तीर्ण उमेदवार स्पर्धा परीक्षाची तयारी करीत असतील त्यांना सरकारी नोकरी मिळविण्याची चांगली संधी आहे. महाराष्ट्र अराजपत्रित गट ब व गट क सेवा संयुक्त पूर्व परीक्षा २०२४ जाहीर करण्यात आली आहे. या भरती मध्ये तब्बल 1333 पदे भरली जात आहेत. उद्योग निरीक्षक, कर सहायक, तांत्रिक सहायक, बेलिफ व लिपिक गट क, नगरपाल (शेरीफ), लिपिक-टंकलेखक ही पदे भरण्यासाठी ही जाहिरात प्रसिद्ध करण्यात आली आहे. निवड करण्यात आलेल्या उमेदवारांचे नोकरी ठिकाण हे महाराष्ट्र (Government Job in Maharashtra) असणार आहे. या भरतीसाठी फक्त ऑनलाइन पद्धतीने अर्ज मागविण्यात आले आहेत.

प्रस्तुत जाहिरातीमध्ये नमूद संवर्गामध्ये काही मागास प्रवर्ग व समांतर आरक्षणाची पदे उपलब्ध नाहीत. तथापि, जाहिरात प्रसिध्द झाल्यानंतर तसेच पूर्व परीक्षेचा निकाल अंतिम करेपर्यंत नव्याने प्राप्त होणा-या मागणीपत्रांमध्ये जाहिरातीत नमूद नसलेल्या मागास प्रवर्ग तसेच समांतर आरक्षणाकरीता पदे उपलब्ध होण्याची आणि विद्यमान पदसंख्येमध्ये बदल वाढ होण्याची शक्यता आहे. सदर बदललेली पदसंख्या/अतिरिक्त मागणीद्वारे प्राप्त पदे पूर्व परीक्षेचा निकाल अंतिम करताना विचारात घेतली जाईल. यास्तव पूर्व परीक्षेच्या जाहिरातीमध्ये पद आरक्षित नसल्यामुळे अथवा पदसंख्या कमी असल्यामुळे पूर्व परीक्षेसाठी अर्ज सादर केला नसल्याची व त्यामुळे निवडीची संधी वाया गेल्याबाबतची तक्रार नंतर कोणत्याही टप्प्यावर विचारात घेतली जाणार नाही. 04 नोव्हेंबर 2024 ही अर्ज स्विकारण्याची अंतिम दिनांक आहे.